पंढरपूर (प्रतिनिधी)
पंढरपूर मंगळवेढ्याच्या सर्वांगीण सर्वांगीण विकासासाठी मनसेला विजयी करा, असे आवाहन आगामी विधानसभा निवडणुकीतील मनसेचे उमेदवार दिलीप धोत्रे यांनी केले. पंढरपूर तालुक्यातील गादेगाव येथे आयोजित दौऱ्याप्रसंगी ते बोलत होते. या सभेप्रसंगी मोठ्या संख्येने नागरिक आणि महिला भगिनी उपस्थित होत्या.
या सभेत पंढरपूर मंगळवेढा परिसरातील ज्येष्ठ नेते मंडळी तसेच मनसे पदाधिकारी उपस्थित होते. याप्रसंगी बोलताना ते म्हणाले की, या राज्यात शेतकरी, कामगार, महिला भगिनी आणि तरुणक युवक अडचणीत आहेत. शेतकरी बांधव संकटात असून, त्याला कोणत्याही प्रकारची मदत मिळत नाही. हेमा कंपन्यांनी शेतकऱ्यांची फसवणूक केली आहे. महिलांच्या हाताला काम नाही, तरुणांची बेरोजगारी वाढली आहे, गोरगरीब जनतेला घरकुल मिळत नाही, यापूर्वीच्या लोकप्रतिनिधींनी काहीही काम केलेले नाही. शेतकरी सामान्य नागरिक, महिला , तरुण बेरोजगार युवकांच्या समस्या सोडवण्यासाठी मनसेला साथ द्यावी असे आवाहन त्यांनी नागरिकांना केले. यावेळी मोठ्या संख्येने ग्रामस्थ उपस्थित होते. नागरिकांनी उदंड प्रतिसाद देत, त्यांचे विविध ठिकाणी मोठ्या जल्लोषात स्वागत केले.
