समानतावादी महात्मा बसवेश्वर यांची पंढरीत भव्य मिरवणूक

पंढरपूर (प्रतिनिधी)

समता आणि बंधुता या तत्त्वावर वीरशैव समाजाची स्थापना करणारे महात्मा बसवेश्वर यांची जयंती पंढरीत मोठ्या थाटात पार पडली. गुरुवारी सायंकाळी महात्मा बसवेश्वर यांची भव्य मिरवणूक पंढरीतून निघाली. या मिरवणुकीत पंढरीतील सर्वच लिंगायत समाजातील बांधवांनी सहभाग नोंदवला.

महात्मा बसवेश्वर यांच्या जयंतीनिमित्त पंढरीत भरगच्च कार्यक्रमाचे आयोजन करण्यात आले होते. चित्रकला स्पर्धा, ज्येष्ठ नागरिकांचा सन्मान , वीरशैव मशानभूमीची स्वच्छता ,यांसारख्या कार्यक्रमांनी पंढरीत धूळ उडवून दिली. या कार्यक्रमांचे पारितोषिक वितरण जयंतीदिनी सायंकाळच्या सुमारास झाले.

पंढरीतील वीरशैव लिंगायत समाजाचे अध्यक्ष पै. युवराज डोंबे यांनी महात्मा बसवेश्वर यांच्या मिरवणुकीचे आयोजन केले होते. या मिरवणुकीत शहरातील लिंगायत समाजातील अनेक पोटजातीतील नागरिकांनी सहभाग नोंदविला होता.

गुरुवारी सायंकाळी महात्मा बसवेश्वर यांची रथातून भव्य मिरवणूक निघाली. येथील मनमथ स्वामी मठातून निघालेली ही मिरवणूक पंढरपूरमधील प्रमुख मार्गावरून जात पुन्हा मनमथ स्वामी मठामध्ये विसावली.

येथील मनमत स्वामी मठासमोर रथामध्ये बसवेश्वर यांचा भव्य पुतळा बसवण्यात आला .पैलवान युवराज डोंबे यांनी या पुतळ्यास पुष्पहार घालून अभिवादन केले. यानंतर ही मिरवणूक पंढरपूर नगरीमध्ये मार्गस्थ झाली. महात्मा बसवेश्वर यांच्या रथासमोर अश्वावर लहान मुले पगडी बांधून आरुढ झाली. महिला वर्ग फेटे बांधून रांगेतून मार्गस्थ झाला. समाजाला समानता आणि शिव उपासनेची शिकवण देणारी ही मिरवणूक पंढरीतील नागरिकांचे लक्ष वेधून घेत होती.

युवराज डोंबे यांच्याकडून समाज बांधवांचे आभार

पंढरपूर शहरात महात्मा बसवेश्वर यांची जयंती अक्षय तृतीये दिवशी संपन्न झाली. यानिमित्ताने पंढरी नगरीत चित्रकला स्पर्धा, ज्येष्ठ नागरिकांचा सन्मान याशिवाय अनेक सामाजिक उपक्रम पार पडले. चार दिवस सुरू असलेल्या या उपक्रमांनी पंढरी नगरीत धूळ उडवून दिली. गुरुवारी सायंकाळी महात्मा बसवेश्वर यांच्या मिरवणुकीने आणखीन काही धडे समाजासमोर गिरविले. वीरशैव समाजासह लिंगायत समाजातील कुंभार, तेली आणि कोष्टी समाजातील नागरिकांनीही या निवडणुकीत उस्फुर्त सहभाग नोंदवला. याबाबत वीरशैव लिंगायत समाजाचे अध्यक्ष पै. युवराज डोंबे यांच्याकडून उपस्थित नागरिकांचे
आभार मानण्यात आले.