शरद पवार हेच सर्वांसाठी आव्हान -अनिल सावंत

पंढरपूर (प्रतिनिधी)

राष्ट्रवादी प्रमुख शरद पवार यांच्या आदेशाने, पंढरपूर मतदारसंघात अनिल सावंत यांनी आपला उमेदवारी अर्ज दाखल केला असून, या मतदारसंघाचा विकास फक्त शरदचंद्र पवार राष्ट्रवादी काँग्रेसच करू शकते, समोर कोण आहे
याचा विचारच नाही. कारण शरद पवार हेच मोठे आव्हान असल्याचे मत, अनिल सावंत यांनी यावेळी व्यक्त केले आणि मतदारसंघात तुतारीचाच आवाज निघणार, असा विश्वास व्यक्त केला.

पंढरपूर मतदारसंघात शरदचंद्र पवार राष्ट्रवादी काँग्रेसकडून कोणाला उमेदवारी मिळणार, याबाबत गेल्या अनेक दिवसापासून चर्चा सुरू आहेत. भगीरथ भालके यांच्या नावाचीही चर्चा होती, परंतु त्यांनी काँग्रेसकडून उमेदवारी मिळवली आहे. सोमवारी भैरवनाथ शुगरचे व्हॉ. चेअरमन अनिल सावंत यांनी आपला उमेदवारी अर्ज दाखल केला. शरदचंद्र पवार राष्ट्रवादी काँग्रेस मधून एक आणि अपक्ष एक असे दोन उमेदवारी अर्ज दाखल केले. शरद पवार यांच्या आदेशानेच आपण उमेदवारी अर्ज दाखल करत असल्याचे सांगितले.यावेळी त्यांच्या समवेत पंढरपूर आणि मंगळवेढा तालुक्यातील राष्ट्रवादीचे पदाधिकारी उपस्थित होते.

शरदचंद्र पवार राष्ट्रवादी काँग्रेसचे शहराध्यक्ष सुभाष भोसले, तालुकाध्यक्ष संदीप मांडवे, ज्येष्ठ नेते राहुलजी शहा, मंगळवेढा शहराध्यक्ष चंद्रशेखर कोंडुभैरी, मंगळवेढा तालुकाध्यक्ष प्रथमेश पाटील, कार्याध्यक्ष संतोष रणदिवे, आम आदमी पार्टीचे जिल्हाध्यक्ष एम. पाटील, भैरवनाथ शुगर उद्योग समूहाचे संचालक पृथ्वीराज सावंत, शिवसेना उद्धव ठाकरे पक्षाचे जिल्हा उपप्रमुख सुधीर अभंगराव, उपजिल्हाप्रमुख महावीर नाना देशमुख, पंढरपूर शहर उपप्रमुख तानाजी मोरे आदी महाविकास अनेक नेते मंडळी यावेळी उपस्थित होती.