पंढरपूर (प्रतिनिधी)
लिंकरोड आणि उपनगरी भागातील नागरिकांच्या सुरक्षिततेसाठी, नागालँड चौकात गतिरोधकाची आवश्यकता आहे, अशी मागणी नागालँड चौकातील सामाजिक कार्यकर्ते आणि व्यावसायिकांनी आ.समाधान आवताडे यांच्याकडे केली. त्यांच्या मागणीची तत्काळ दखल घेऊन आ. आवताडे यांनी नगरपरिषदेच्या मुख्याधिकाऱ्यांना फोन करून गतिरोधक करण्यासंदर्भात सूचना केली. त्यामुळे नागालँड चौकातील नागरिकांतून समाधान व्यक्त होत आहे.
आ.समाधान आवताडे हे शनिवारी मनीषानगर भागात आले असता, लिंकरोड वरील नागालँड चौकातील सामाजिक कार्यकर्त्यांनी त्यांची भेट घेऊन, गतिरोधक करण्याची मागणी केली. आ आवताडे यांनी लागलीच चौकात थांबून फुटपाथवर बाकड्यावर बसून त्यांच्याशी चर्चा केली. आणि तेथूनच नगरपालिका मुख्याधिकारी यांना डॉ. प्रशांत जाधव यांना फोन करून गतिरोधक करण्याविषयी सूचना केली.
यावेळी सामाजिक कार्यकर्ते धनंजय धोत्रे, राजन थोरात, किरण देवकते, भैय्या मांदळे, शिरीष थोरात, श्रीपाद श्रीखंडे, आशिष कदम, संकेत लिगाडे, शांतीलाल पवार, सारंग चौगुले, गणेश लिंगे, चिन्मय शिनगारे, आनंद भोसले, शेखर पवार आदी उपस्थित होते.
